Estomihi: sei mir ein starker Fels!
Ein fränkischer Sonntagsgruß zum Faschingssonntag
Es is der Sunndich vor der Passion
Es sachd uns Jesus, unner Gottessohn:
Aufgehts! Mir gehn auf Jerusalem nauf, damit wärd vollbrachd
Woos gschriebe is vom Menschesohn, wos die Profedn schrifdlich gemochd.
Jesus gehd mit seiner Jünger los. Jerusalem liechd aufm Berch.
Mer sichd es vo weit – Mit Mauern, Häuser Türm und Tempel,
viel sän underwaachs nei die Stood mit ihrn Krempel.
Jesus wäss, wos künnd. Er is bereit.
Er siehd es Kreuz, er verliert kee Zeit.
Efich wird’s net, was Gott sich gedachd,
mit seim geliebten Sohn wird durch die Menschen Schwers gemachd.
Es zeichd uns die Lieb, mid dar Gott uns moch,
des lässd er uns immer wieder sooch.
Die Jünger damals hömms ned verschdanne:
Wos will denn dar mit sein Gejammer? Wieso so draurich, es gehd doch nei die Stood
Die so viel Häuser, Feste, Feten und noch mehr zu bieten hood.
Der Weech beginnd midn erschde Schridd.
Schwere Weche gehn mir im Laaabe aa – doch Gott gehd mid.
Wenn mir so manches Leid am Horizond aa sehn,
es is ned es End – es wird weider gehn.
Gottes Lieb mächd es uns vür.
Es Laabe künnd hinner des Leides Dür.
Fasching feierd mer es Lebe, des mir vo Gott hönn,
denn der will hat uns aa n Spass wöll gönn.
Mir fehld se arch, die Fosenochd,
denn wer hädd es letzts Joahr gedochd:
E Virus künnd – und scho is vorbei.
Lockdown und die Krankerd – des verdirbd unnern Lebensbrei.
Aber des wird ned so bleim, es künnd er annere Zeid,
des werd scho wern, wie es unner Herr hodd erlebd,
Mir gehn auf durch e Leidenszeid, mit viel Abstrich und wenig Näh,
aber es wird neues Lebe – daran döff mer glää.
Wenn mir aa vieles ned verschdänn und kabiern,
wos Gott uns sächd, des wird passiern.
Aar führd uns gud – aar führd uns rachd,
mir vertraun ihm – er hodds immer gud gemachd.
Bleid gsund un gsechned durch die kummede Woch,
feierd vielleichd e weng Fasching derhemm, wers moch.
In Jesu Namen, soch ich aus Hohnstedt:
Amen.
Ihr und Euer
P. Julian Knötig
.jpeg)
